الرسام وحيد نجيب قصة صانعي الداء والدواء ٦
( الفصل السادس )
مر الوقت سريعا جدا ولم يحدث أي شىء يغير صفو الأمور ووصل حمزة إلي مكتب إيناس؛ علي حسب ماقيل له ؛ وجلس علي كرسي الزائر للمكتب في إنتظار أن تأتي دكتورة إيناس؛ كان يتفحص المكتب فهو مكتب حديث ومودرن علي أحدث طراز وكانت شاشة العرض ( تلفاز) كبيرة جدا تبث إعلان للمستشفي وفروعها بكافة التقنيات والأساليب؛ وبعد لحظات بسيطة دخل الساعي وهو يقول …
الساعي/ أستاذ حمزة دكتورة إيناس علي وصول وبلغتني أقدم لحضرتك مشروب لحد حضورها….
حمزة/ ملهوش لزووم..
الساعي/ لا .يافندم ..لابد تشرب حاجة…
حمزة/ طيب ..لوسمحت قهوة مظبوط….
الساعي/ تحت أمرك يافندم،.. .(..بعد لحظات حضرت دكتورة إيناس؛ كانت إمرأة جميلة في بداية الخمسينات ولكن تبدو في العشرينات من العمر وكان قوامها رشيق وجذابة جدا وأنيقة وشعرها جذاب وبيضاء وعيون جميلة جدا ذات عيون خضراء واسعتان بعض الشىء وشعرها ذهبي يميل للبني ، وجمال متناسق وترتدي ملابس أنيقة تدل علي الطراز الفرنسي بعض الشىء وحليات من الذهب باهظة الثمن …وقالت بصوت هاديء ورقيق وثقة متناهية..
دكتورة إيناس/ آسفة اتأخرت علي حضرتك بعض الشىء ،.. ومدت يدها لكي تصافحه بكل رقة وذوق وأدب..
وبالفعل صافحت حمزة وقال لها…
حمزة/ أشكرك يافندم حقيقي جميل حضرتك لايمكن أنساه أبدا..
دكتورة إيناس/ .. توجهت إيناس إلي مكتبها للجلوس وجلست وهي تنظر إليه وتقول بجدية وثقة ….
إيناس/ العلاقة إلي بيني وبينك هي علاقة عمل في عمل؛ شوف أنت هتستلم دلوقتي حالا باسبور للسفر بإسمك حمزة عصام جاسر وأوراق عملك ، وكل مايخص عملك هيكون معاك وأنت استلمت العمل فورا مجرد ما وافقت علي الموضوع ؛ أنا هسيبك دلوقتي تنام وتاخد يومين راحة من السفر في سكنك وهيعرفك عليه أستاذ رامي ؛ وهيكون تحت أمرك تطلب منه أي شىء مهما كان هيتنفذ، وكل إحتياجاتك؛ من أكل وشرب وملابس وكافة الأغراض؛ هيكون تحت أمرك وكل ماعليك أنك بعد يومين من الراحة اقضيها ذي ما أنت عايز؛ حتي لو حابب تنزل تتنزه أو تقضي ليلة جميلة في أي مكان ؛ تسهر تتفسح تعمل شوبينج ؛ أو أي شىء تاني تقدر تنفذه والتفاصيل هتكون بعد الراحة وهعرفك كل حاجة تتعلق بعملك القادم ؛ أنت خلال خمس سنوات بس هتقدر تفتح مستشفي خاص بيك في مصر وممكن متنزلش مصر وتديرها من هنا كمان…
قصة رائعة الجمال وطبعا هي لسة في بدايتها لكن أحنا قرأناها كاملة قي رمضان ٢٠٢٤وفي المنصات العامة سوف تنشر حتي ٢٠٢٤؛ طبعا أسلوب الكتابة ورقي الوصف للكاتب والسيناريو والحوار الرائع جدا المتميز إلي له أبعاد عميقة من الفلسفة ؛ يؤكد المجهود الشاق إلي بينفذه الرسام وحيد نجيب في ورش الكتابة وللعلم بتزيد جدا وبدأت الكتابة فعليا في قصص رمضان ٢٠٢٥؛ القصة ممتازة وحاليا لسه الفصل السادس والقصة ١٦ فصل يعني لسة ثلث القصة فقط ومع ذلك فيها أحداث رائعة جدا وكل فصل دسم فيه حوار شيق جدا ورسائل مهمة وكذلك الوصف إلي بيغذي العقل بالتصور والخيال .
ردحذف