الرسام وحيد نجيب قصة حقيقة مدمرة ٦
( الفصل السادس)
وبالفعل عرف عبد اللطيف سعاد زوجته أنه مسافر في الخارج لإنشاء فرع جديد لشركته وسيكون مشغول للغاية؛ وجهز عبد اللطيف مكتب في غرفة خاصة في المنزل ؛ واتصل بصديق له يعمل في مجال النشر الإليكتروني وهو أحدث وسائل النشر للعصر ومدون محترف جدا ولديه متابعيين ومعجبيين مثقفين جدا وعلي درجة كبيرة من الوعي والتحضر والثقافة ؛ وأكد عليه الميعاد ؛ ومر الوقت سريعا و أتي في الميعاد ورحب جدا عبد اللطيف بصديقه محمد وهو يقول لزوجته في غرفة الصالون:
عبد اللطيف/ محمد يا إبتسام كان من أهم زمايل الدراسة المثقفين جدا وكان له صحيفة مدرسية بتتعلق كل أسبوع؛ كنا بنفرح جدا بيها وكنا نعرف أهم الأخبار والثقافة منها والمعلومات وكان له نشاط مهم جدا في الإذاعة المدرسية ، وكنا زعلانين أوي إن بعد المدرسة ماتخلص مش هنشوف النشاط ده ، بس دلوقتي فعلا المنصات الإلكترونية ليها فضل كبير جدا في الموضوع ده ومحمد الآن من أهم المدونين وأصحاب المواقع والصفحات والقنوات وأصحاب النشاط الإليكتروني وبنتابعه بإستمرار..
محمد/ أشكرك ياعبد اللطيف دايما مجامل ..
عبد اللطيف/ لا والله أنت فعلا متميز يامحمد تعالي معايا بقي علشان عايزك في شغل مهم جدا ..أعمليلنا قهوة يا إبتسام…
محمد/ ملهوش لزوم..
عبد اللطيف/ لا دي القعدة هطول…
محمد/ كدا يبقي مظبوط لوسمحت..
إبتسام/ حاضر تحت أمركم ، ثواني وهتكون جاهزة..
_كانت غرفة المكتب مجهزة وكأنها عيادة نفسية وليست مكتب ؛ فكان بها مكتب مجهز جدا وفي الجانب المقابل سرير لشخص واحد جلد وكرسي هزاز وأمامه كرسي عادي جلد ومكتب كامل وألوان هادئة جدا وأجهزة تسجيل وأوراق وأقلام وكل شىء يلزم هذا العمل، ومجرد دخول المكتب تفحص محمد الغرفة متعجبا وقال!:
محمد/ مكتب جميل جدا ذي مايكون مجهز لأكثر من إستخدام..
عبد اللطيف/ أنا قاصد كل حاجة فيه تكون بالشكل ده….
محمد/ وألوانه مريحة جدا للمشاعر أنا كدا هغير لون مكتبي هههه….
؛ ( اصطحبه عبد اللطيف الي الكرسي الهزاز وهو يقولل محمد….)
عبد اللطيف/ أقعد هنا أريح للكلام إلي هقولهولك…..
محمد/ حاضر ياسيدي ..تحت أمرك..وآدي قاعدة ….
عبد اللطيف/ أنا عاجبني جدا يامحمد نشاطك علي الإنترنت وأسلوبك عاجبني جدا جدا وخلاني أفكر أكتب مذكراتي وأنت إلي هتكتبهالي..؛( دق باب الغرفة معلنا قدوم أحدا؛ وقال عبد اللطيف/أدخل…
قصة هائلة فعلا وبجد كل قصص رمضان ٢٠٢٤ لها قيمة كبيرة جدا وهادفة وأسلوبها متميز ومبدع وبالطبع لأن القائم علي الورش هو المبدع الرسام وحيد نجيب؛ حقيقي هذا الفصل سلط الضوء علي أهمية الأنشطة المدرسية الثقافية لأنها بتربي الأجيال علي التذوق والعمل وبالطبع بيكونوا متميزين لما يكون المعلم متميز وموهوب من الأساس، حقيقي كل إنتاج الرسام وحيد نجيب قيمة كبيرة جدا وهام للغاية.
ردحذف