الرسام وحيد نجيب قصة صانعي الداء والدواء ٧

 الرسام وحيد نجيب قصة صانعي الداء والدواء ٧

الرسام وحيد نجيب قصة صانعي الداء والدواء ٧

                   ( الفصل السابع )

قضي حمزة يومين من أجمل أيام عمره لم يعشها من قبل بين التنزه والمشي في الأسواق والأماكن العامة وبين الحدائق والمطاعم والحانات ليلا ؛ الأضواء والحدائق والفن والسهر شىء جميل جدا ويسعد النفس يبدو أنه لم يكن معتاد علي هذا الأسلوب فهو جعله في حالة نفسية جيدة ونسي كل الماضي الذي يخص حمزة ناصف فهو شعر خلال اليومين أنه ولد من جديد بإسم حمزة جاسر ، أنتهي من الأجازة وذهب علي الموعد المعتاد ليقابل دكتورة إيناس، ويعرف مهام عمله بشكل أفضل ؛ كانت تجلس كالمعتاد علي كرسي المكتب المخصص لها وكان حمزة يجلس علي أحد كراسي المكتب المخصصين للزوار ، وكانت الضيافة هي القهوة الخاصة به ، وكانت تتحدث دكتورة إيناس بلطف وتقول:

إيناس/ شوف يادكتور حمزة أنا هتكلم معاك بكل صراحة لأن أنا بحب دايما أضع النقط علي الحروف وتكون المساحة بينا مساحة صراحة ونتعامل عادي مع بعض ، أنا غيرت أوراقك وأسمك لأن في أي لحظة ممكن النيابة تمنع سفرك وتطلب من الإنتربول يحضرك لمصر ويرحلك وبالشكل ده مش ممكن تقدر تعيش أبدا، أنا بقدملك فرصة جديدة كده كده قانون العقوبات في مصر بيقول إن حكم السجن يعني توضع في أحد السجون العمومية في مصر أو مؤسسات تابعة لقطاع السجون ، وطبعا معناه هتشتغل للحكومة ومش هتعمل أي حاجة لنفسك أبدا مع أني عارفة إن ظروفك وظروف حياتك كانت كلها ضدك من البداية ؛ علشان كدا أنا أعتبر بقدملك فرصة جديدة لحياتك ولازم تكون فيها كل الضمانات ليك علشان تعمل حاجة لنفسك صح ، أول إجراء كان لازم اعمله هو أغير الورق بتاعك علشان تعرف تعيش صح بدون أي تهديد ، أنت خلاص كدا كدا بتشتغل معانا ، ثاني إجراء وهو عليك أنك تنفذه اليوم حالا بعد شرب القهوة  ؛ في دكتور تجميل ومتخصص هيعملك بعض التغييرات ؛ يعني الشعر واللوك ولون عينيك مثلا وحواجبك مثلا وبعض الأدوية والنظام الغذائي إلي لازم تنفذه علشان تكون بدين شوية ولون البشرة هنغيره وكل ده شغلنا وكدا أنت هتتغير تماما وملابسك القديمة كلها هتروح السكن مش هتلاقيها وهيجيلك ملابس جديدة جدا ، وآسفة أني بدأت تنفيذ هذا الإجراء بدون علمك بس في حجات لازم تتنفذ من غير علمك ، بعد تنفيذ اللوك الجديد هنجدد الورق لأنك لو نظرت إليه كويس هتلاقي في معظم المدد بحاجة للتجديد وطبعا هندفع غرامة بسيطة وده سهل علينا وبعد كدا هنعرفك الخطوات المهمة وكل ده من عملك.